• 29.03.2024

«Ақ орамал» республикалық акциясы

Авторkaznai

Sep 2, 2021

«Қазақстан тарихы және әлеуметтік ғылымдар» кафедрасы

«Шет тілдері және Қазақстан халқы Ассамблеясы» кафедрасы

Қазақстандағы Семей ядролық полигонының жабылуына 30 жыл.

«Ақ орамал» республикалық акциясы аясында

Қазақстан халқы Ассамблеясының қамқорлығымен

2021 жылғы 2 қыркүйекте 28 гвардияшыл-панфиловшылар атындағы саябақта Мәңгілік алауға және Ауғанстанда қаза тапқан қазақстандық жауынгерлердің ескерткішіне гүл шоқтары қойылды. Аталған іс-шара Қазақстан халқы Ассамблеясының қолдауымен Семей ядролық полигоны жабылуының 30 жылдығына арналған “Ақ орамал” республикалық акциясы аясында өткізілді. Іс-шараға ҚХА мүшелері, ҚХА ғылыми-сараптамалық тобының мүшелері, этномәдени бірлестіктердің жетекшілері мен белсенділері, Алматы қаласындағы ҚХА Аналар кеңесінің мүшелері, Алматы қаласындағы ЖОО-ның профессор-оқытушылар құрамы мен студенттері қатысты.

Іс-шараға қатысушылар алдында ҚХА ғылыми – сараптама тобының мүшесі, Т.Жүргенов атындағы Қазақ ұлттық өнер академиясының профессоры, т. ғ. к., профессор, МАИН-Шаймерденова Меңдіғаным Жамалбекқызы сөз сөйледі. Ол сонау 1947 жылы КСРО Министрлер Кеңесінің шешімімен Семей ядролық сынақ полигонының құрылу тарихы, ядролық ғалымдар, проблемалар және полигонның бізге қандай қайғылы салдар қалдырғаны туралы айтып берді. Ал ең басты тарихи оқиға 1991 жылғы 29 тамызда Қазақстан Үкіметінің шешімімен Семей ядролық полигоны жабылған кезде болды. Сондай-ақ, ол ел Президенті Қ. – Ж. К. Тоқаевтың 2021 жылы осы аумақты кешенді экологиялық тексеру аяқталатыны туралы сөздерін келтірді. “Семей ядролық полигонының зардаптары және оның адам денсаулығына, қоршаған ортаға әсері ұзақ уақыт бойы өзекті болып келеді, өйткені бұл адам мен табиғат үшін үлкен проблема, оның азапты ықпалында болған мыңдаған адамның өмірі, қан айналымы жүйесі ауруларының және қатерлі ісіктердің өсуі және басқа да көптеген салдарлар”, – деп атап өтті Меңдіғаным Жамалбекқызы.

Акцияға қатысушылар ядролық сынақ құрбандарын еске алып, мемориал мен Мәңгілік алауға гүл шоқтарын қойды.

Приемная комиссия