Close
12.02.2021

12 ақпан күні, Т.Қ.Жүргенов атындағы Қазақ ұлттық өнер академиясына «Рухани жаңғыру» қазақстандық қоғамдық даму институты» КЕАҚ төрағасы Данияр Нұрашұлы Есин келді.

12 ақпан күні, Т.Қ.Жүргенов атындағы Қазақ ұлттық өнер академиясына «Рухани жаңғыру» қазақстандық қоғамдық даму институты» КЕАҚ төрағасы Данияр Нұрашұлы Есин келді.


Кездесу барысында тараптар бағдарлама шеңберіндегі әріптестік келісімдерін орнатып, ынтымақтастық жөніндегі меморандум жасалды.

Меморандумның негізгі мақсаты – «Рухани жаңғыру» бағдарламасының іске асу қарқынын жандандыру, аясын кеңейтіп, ұлттық құндылықтарымыздың дәріптелуіне үлес қосу.

Аталған жиында қос мекеме қысқа мерзімді және ұзақ мерзімді тағылымдамалар, кәсіби (оқу-өндірістік, өндірістік, зерттеу, диплом алдындағы, педагогикалық) практикалар ұйымдастыру, оқу-әдістемелік жұмыс бойынша дәріс оқу, тәжірибе және ақпарат алмасу үшін Тараптардың өкілдерін шақыру сынды көптеген ұсыныстарды талқыдан өткізіп, оларды бірлесе жүзеге асыруға уағдаласты. Сондай-ақ, құрылған мақсат-міндеттердің ішінде ғылыми зерттеу, шығармашылық салалары да қамтылды. Оқу орнының рейтінгін (QS, THE және т.б) жоғарылату жобасы да айтылды.

«Рухани жаңғырудың өзі ұлттық өнерден басталады. Осы тұрғыда мәдениет саласына қарасты білім ордаларының ролі басымдығын атап өткен жөн. Тарихи болмысын тереңінен таныған, жаңа заман талаптарына сай, бәсекеге қабілетті тұлға қалыптастыру жолында күш біріктіріп отырмыз. Орнатылған келісімнің өнер мен руханият арасындағы байланысты биік деңгейге көтеруге ықпалы тиерені сенеміз», – дейді академияның Тәрбие ісі және әлеуметтік мәселелер жөніндегі проректоры Шыңғыс Құлбекұлы Ергөбек.

Іс-шара соңында меморандумға қол қойылуымен қатар, алдағы уақытқа жоспар да құрылды. Академияға іс-сапармен келген қонақтар «Кескіндеме, мүсін және дизайн» факультетінің әзірлеген көрмесін тамашалады.