Мәдениет және өнер қызметкерлері күні қарсаңында Мемлекет басшысы Қасым-Жомарт Тоқаев мемлекеттік наградалар табыс етті.

Марапат алғандардың қатарында Темірбек Жүргенов атындағы Қазақ ұлттық өнер академиясының Музыкалық өнер факультеті, Дәстүрлі музыкалық өнер кафедрасының профессоры, «Құрмет» орденінің иегері Айгүл Қосанова да бар. Айгүл Шоданқызы «Қазақстанның халық әртісі» атағына ие болды.

Темірбек Жүргенов атындағы Қазақ ұлттық өнер академиясы ұжымының атынан шын жүректен құттықтаймыз! Отандық мәдениетті дамыту мен музыка өнерін дәріптеудегі айрықша еңбегіңіз елене берсін. Сізге зор денсаулық, кәсіби және қоғамдық жұмысыңызға табыс тілейміз.