2024 жылғы 12 желтоқсанда Астана қаласында өткен республикалық «Ұлы дала» байқауында Темірбек Жүргенов атындағы Қазақ ұлттық өнер академиясының өкілдері «Драматургия» номинациясы бойынша үздік нәтижелерге қол жеткізді. Байқау барысында академияның оқытушылары мен студенттері жоғары деңгейдегі шығармашылық қабілеттерін көрсетті:

• 1 орын – «Кино тарихы мен теориясы» кафедрасының аға оқытушысы Қолғанат Мұрат
• 2 орын – «Кинотеледраматургия» білім беру бағдарламасының магистратура түлегі Әлішер Рахат (Әлішер Айтуар)
• 3 орын – «Кинотану» білім беру бағдарламасының 2 курс магистранты Ақжан Аманжол

Бұл жеңіс академияның оқытушылары мен студенттерінің шығармашылық әлеуетінің жоғары деңгейін және ұлттық драматургияны дамытуға қосқан елеулі үлесін көрсетеді.

Темірбек Жүргенов атындағы Қазақ ұлттық өнер академиясы жеңімпаздарды шын жүректен құттықтай отырып, шығармашылық шабыт пен жаңа биіктерді бағындыруға тілектестік білдіреді. Академия – өнер әлемінде жаңа есімдерді ашатын киелі орда екенін тағы да дәлелдеді.