2024 жылдың 28 қарашасында Академия қабырғасында қоғамдағы экономикалық жағдайға арналған «Қаржылық сауаттылық негіздері» тақырыбында дәріс ұйымдастырды.

Аталған дәрісті әл-Фараби атындағы Қазақ Ұлттық университетінің профессоры Ғалымжан Керімбек өткізді. Өз саласында терең зерттеулер жүргізген ғалым жастарға қаржылық сауаттылықтың қоғамдағы рөлі мен жеке өмірдегі маңызы туралы мазмұнды ақпарат берді.

Ғалымжан Есқараұлы дәріс барысында экономиканың түрлі аспектілерін қарастырып, білім алушыларға өз қаржыларын басқарудың негізгі қағидаларын түсіндірді. Тыңдаушылар көкейлерінде жүрген сұрақтарын қойып, ғалыммен еркін пікір алмасып, мазмұнды сұқбат құрды.

Сонымен қатар, профессор Ғалымжан Есқараұлы академия кітапханасының қорына Әбу Насыр әл-Фарабидің «Қайырымды қала. Музыка туралы кітап» атты еңбегін тарту етіп, студенттерге рухани байлықтың маңыздылығын атап өтті.