2026 жылдың 15 сәуіріндеТемірбек Жүргенов атындағы Қазақ ұлттық өнер академиясы Ғылыми кадрларды даярлау бөлімінің ұйымдастыруыменшетелдік және отандық шығармашылық жоғары оқу орындарының магистранттары арасында «Бейне лабораториясы: қазіргі заманғы көркем тәжірибедегі пәнаралық тәсіл» тақырыбында VI Халықаралық «Үздік постерлік баяндама» онлайн-байқауын өткізді. Биыл байқауға қатысушылардың рекордтық саны — 25 адам қатысты!
Байқаудың мақсаты: мәдениет пен өнердің замануи мәселелері саласындағы магистранттардың ғылыми-зерттеу жұмыстарының нәтижелерін қорытындылау және жас ғалымдардың зерттеу қызметіндегі инновациялық жетістіктерін көрсету.
Байқау ашық түрде өтті және бір кезеңнен тұрды.
Жарысқа 9 өнер ЖОО қатысты, оның ішінде 4 шетелдік ЖОО:
- 1) Күләш Байсейітова атындағы Қазақ ұлттық өнер университеті (Астана);
- 2) Алтай мемлекеттік мәдениет институты (Ресей Федерациясы, Барнаул)
- 3) Ургенч мемлекеттік педагогикалық институты (Өзбекстан Республикасы, Ургенч)
- 4) Қазақ ұлттық хореография академиясы (Астана),
- 5) Өнер және мәдениет мемлекеттік институты (Өзбекстан Республикасы, Ташкент)
- 6) Өзбекстан мемлекеттік консерваториясы (Өзбекстан Республикасы, Ташкент)
- 7) Әл-Фараби атындағы Қазақ ұлттық университеті (Алматы)
- 8) Халықаралық білім беру корпорациясы (Алматы)
- 9) Темірбек Жүргенов атындағы Қазақ ұлттық өнер академиясы (Қазақстан Республикасы, Алматы)
Байқау қатысушыларын бағалау үшін халықаралық қазылар алқасы құрылды, оның құрамына келесі мүшелер кірді:
Төраға:
Халыков Қабылы Заманбекович — Темірбек Жүргенов атындағы Қазақ ұлттық өнер академиясының ғылыми жұмыстар жөніндегі проректоры, философия ғылымдарының докторы, профессор (Қазақстан, Алматы);
Мүшелері:
- Нуркушева Ляззат Тлеувна – сәулет докторы, Халықаралық білім беру корпорациясының зерттеуші- профессоры (Қазақстан, Алматы)
- Васадзе Марина – өнертану докторы, Шота Руставели атындағы Грузия мемлекеттік театр және кино университетінің доценті (Грузия, Тбилиси)
- Ганиева Лола Мухсинджановна – өнертану кандидаты, Өзбекстан мемлекеттік консерваториясына қарасты Б.Закиров атындағы Ұлттық эстрада өнері институтының профессоры (Өзбекстан Республикасы, Ташкент)
- Харламова Татьяна Валерьевна – өнертану кандидаты, PhD, Күләш Байсейітова атындағы Қазақ ұлттық өнер университеті Ғылым бөлімінің меңгерушісі (Қазақстан Республикасы, Астана).
