Қазақстан Республикасы Мәдениет және спорт министрлігі Мәдениет Комитетінің

«ТЕМІРБЕК Жүргенов атындағы Қазақ ұлттық өнер академиясы» РММ

АҚПАРАТТЫҚ  ХАТ

Құрметті әріптестер!

Сіздерді 2023 жылдың 11 сәуірде ҚР Мәдениет және спорт министрлігі Мәдениет комитетінің «Темірбек Жүргенов атындағы Қазақ ұлттық өнер академиясы» РММ-де Ғылым апталығы аясында өтетін «Креативті индустриялар дәуіріндегі Дизайн» халықаралық ғылыми-практикалық конференциясының жұмысына қатысуға шақырамыз. Халықаралық конференция Ұлттық дизайн институтымен (Ресей, Мәскеу қ.) бірлесіп ұйымдастырылды.

Конференцияның мақсаты – ғылым, өнер және өнеркәсіп тоғысындағы қызмет ретінде заманауи дизайн саласындағы зерттеулер, ғылыми әзірлемелер, инновациялар мен өзекті мәселелерді талқылауға арналған алаң ұсыну. Сондай-ақ, дизайнерлер-суретшілер, кәсіпкерлер, зерттеушілер, оқушылар арасындағы ынтымақтастыққа мүмкіндік беру.

Конференцияға қатысуға дизайн саласындағы шетелдік және отандық ғалымдар-зерттеушілер мен өнертанушыларды, ЖОО профессорлары мен оқытушыларын, докторанттарды, магистранттарды, бакалаврлар мен студенттерді шақырамыз. Сонымен қатар, конференцияға қоғам және өнер қайраткерлері де шақырылады.

Конференция жұмысының бағыттары:

• 1. Дизайн саласындағы білім беруді дамытудың өзекті мәселелері мен перспективалары;
• 2. Қазақстандағы заманауи дизайн: проблемалар, тұжырымдамалар және даму бағыттары, перспективалары;
• 3. Шығармашылық индустрия дәуіріндегі өнердегі байланыс;
• 4. Заманауи дизайндағы цифрлық технологиялар;
• 5. Бейнелеу өнері жаһандық әлемнің қажеттілігі ретінде;
• 6. Өнертанудың ғылыми парадигмалары және мәдени байланыстар;
• 7. Шығармашылық индустриялар контекстінде мультимедиялық дизайнды дамыту.
• 8. Сән және қоғам.

Конференцияның ресми тілдері: қазақ, орыс, ағылшын

Материалдарға қойылатын талаптар: Мәтін пішімі: Microsoft Word ( * .doc, *.docx). Бағдар: кітап ( альбомдық бағдарға тыйым салынған) . Шеттері: жоғарғы және төменгі – 2 см, сол – 3 см, оң – 1,5 см. қаріп: Times New Roman, өлшемі–  14, жол аралығы: 1,5 жұмыс көлемі: 4-10 бет. Бір мақала авторларының саны: 4-тен аспайды. Мәтіннің түпнұсқалығы: 60% кем емес.

Жариялау шарттары: конференцияға мақалалар мен тезистердің мәтіндері электрондық түрде 2023 жылғы 30 сәуірге дейін  е-mail design.art.nai@gmail.com қабылданады.  E-mail арқылы жіберілген файлдың атауы конференция шифрынан және бірінші автордың аты-жөнінен тұруы керек, мысалы: konf.design_23_Жургенов Т.К. Конференция материалдарының дайын жинағы электронды түрде қатысушыларға тегін беріледі.

Материалдар мұқият тексеріліп, өңделуі керек. Авторлар мақалада келтірілген фактілердің дұрыстығына жауап береді. Көрсетілген мерзімнен кейін ұсынылған және белгіленген тәртіппен ресімделмеген мақалалар жинаққа енгізілмейді.

Конференцияның ұйымдастыру комитеті: Қазақстан Республикасы, Алматы қ., Панфилов даңғылы, 127. ҚР МСМ Мәдениет комитетінің “Темірбек Жүргенов атындағы Қазақ ұлттық өнер академиясы” РММ. Телефон: +7 702 615 67 98.

Жарияланымды рәсімдеу:

• 1. Түпнұсқа тіліндегі мақаланың атауы (бас әріптер, қаріп – қалың, ортасына туралау);
• 2. Автордың (авторлардың) толық аты-жөні (кіші әріптер, қаріп – қалың, оң жақ жиегі бойынша туралау);
• 3. Ғылыми дәрежесі, ғылыми атағы, лауазымы (оң жақ шеті бойынша туралау);
• 4. Жұмыс (оқу) орны (оң жақ шеті бойынша туралау);
• 5. Түпнұсқа тіліндегі Аннотация (кегль 14, кемінде 30 сөз, ені бойынша туралау);
• 6. Түйінді сөздер (кегль 14, кемінде 5 сөз, ені бойынша туралау);
• 7. Мақаланың атауы, автордың (авторлардың) аты-жөні, аннотация, орыс және ағылшын тілдеріндегі түйінді сөздер (ресімдеу бірдей).
• 8. Бір жолдан кейін – мақаланың негізгі мәтіні (кегль 14, жоларалық интервал – 1,15, абзац шегінісі -1 см, ені бойынша туралау);
• 9. Әдебиеттер тізімі: мақаланың соңында “Әдебиеттер тізімі” деп аталатын мәтіндегі дереккөзді пайдалану тәртібімен ресімделеді. Мәтінде әдебиеттерге сілтемелер дереккөз нөмірі көрсетілген төртбұрышты жақшалармен және үтір арқылы – бет нөмірлерімен көрсетіледі: [6, Б. 114]. Сілтемелер мен соңғы ескертулерге тыйым салынады.

Суреттер: кез-келген графикалық материалдар (сызба, схема, диаграмма, сурет) «Сурет» деген сөзбен және араб цифрларымен нөмірленген. Суреттің атауы суреттің астында келесі жолдың ортасында орналасқан және қалың қаріппен ерекшеленеді. Мысалы: Сурет. 1. Суреттің атауы

Сурет мәтіннен жоғарыдан және төменнен бос жолмен бөлінеді. Мәтіндегі барлық суреттерге сілтемелер болуы керек (сурет 1).

ӨТІНІМ ҮЛГІСІ

«Креативті индустриялар дәуіріндегі Дизайн» халықаралық ғылыми-практикалық конференциясына қатысуға өтінім 11 сәуір 2023 жыл

Өтінімдер 2023 жылдың 30 сәуіріне дейін қабылданады.