• 26.09.2022

«Rejisser. Dramaturg. START-2022» режиссерлік лабораториялық жобасы өтеді

Авторkaznai

Мам 14, 2022

16-22 мамыр аралығында Алматыда Т.Қ. Жүргенов атындағы Қазақ ұлттық өнер академиясының ұйымдастыруымен Халықаралық «Rejisser. Dramaturg. START-2022» режиссерлік лабораториялық жобасы өтеді.

«R.D.S» жас режиссерлер мен драматургтердің шығармашылық байланысын нығайту, олардың заманға сай идеялары мен жаңаша көзқарасын қалыптастыру және қазақ театр саласында жаңа драмалық шығармалар мен драматургтердің артуына себепкер болуды көздейді.

Аталған жобада ресейлік және қазақстандық театр режиссерлері бірлесе қазақстандық жас драматургтердің пьесаларымен жұмыс істейді.

Сондай-ақ, «R.D.S» аясында Ресейден шақыртылған атақты театр қайраткерлері Орта Азияның (Қазақстан, Тәжікстан, Өзбекстан, Қырғызстан елдерінің) театр өкілдеріне арнайы оқыту бағдарламасын ұсынбақ.

Жобада ресейлік атақты театр режиссері, «Современник» театрының көркемдік жетекшісі және режиссері, МХАТ мектеп-студиясының профессоры Виктор Рыжаков жетекшілік етеді.

Сонымен қатар, драматургия бағыты бойынша белгілі драматург, «Золотая маска» жүлдесінің номинанты Олжас Жанайдаров, режиссура бағытында «Дарын» Мемлекеттік жастар сыйлығының лауреаты, «StarTDrama» театр лабораториясының негізін қалаушы әрі жетекшісі, танымал режиссер Фархад Молдағали куратор болады.

«R.D.S» барысында қазақстандық жас театр қайраткерлерінің: режиссерлер, актерлер, театртанушылар мен театр суретшілерінің, драматургтердің білімін жетілдіру үшін аранйы шеберелік сыныптары, пікір алмасу, талдау-талқылау жұмыстары ұйымдастырылып, бірлескен режиссерлік жоба негізінде жарыққа шыққан қойылымдардың (спектакль эскиздерінің) көрсетілімдері өтеді.

Жобаға қатысу үшін таңдалған пьесалар:

  • «What’s up, пятый “Б”?» Айнұр Кәрім;
  • «Грехопадение свинки Пеппы» Нұрайна Сәтпаева;
  • «Туған күніңізбен, анашым!» Әлішер Айтуар;
  • «Жолаушы, қария және ит» Тоқтарәлі Таңжарық;
  • «Пони» Қолғанат Мұрат;
  • «Әлия» Альмира Исмаилова;
  • «Дилфизо и Донада» Ольга Малышева

Пьесалар бойынша спектакльдердің эскизін Мәскеуден келген жас

режиссерлер: Карина Бесолти, Дмитрий Курочкин, Дмитрий Соболев, Никита Щетинин, Елизавета Минаева, Юрий Шехватов и Ринат Ташимов жасайды. Ресейлік әріптестермен бірге қазақстандық режиссерлер де эскиздердің қосалқы режиссерлері ретінде қатысады.

16 мамыр күні, сағат 14.00-де Т.Қ. Жүргенов атындағы Қазақ ұлттық өнер академиясының оқу залында Халықаралық «Rejisser. Dramaturg. START-2022» режиссерлік лабораториялық жобасының ашылуы өтеді.

Приемная комиссия