«Сценография» кафедрасы жыл сайын Темірбек Жүргенов атындағы Қазақ ұлттық өнер академиясының абитуриенттерін көктемгі семестрде өтетін республикалық
«Дарынды сценограф» байқауына шақырады.
Байқаудың мақсаты:
- талантты жастарды табу және тарту;
- жастардың шығармашылық әлеуетін қолдау;
- жас сценографтардың шығармашылығының дамуына жәрдемдесу;
- сценография саласындағы тәжірибе мен білім алмасу;
- байқау жеңімпаздарына ағымдағы оқу жылында Темірбек Жүргенов атындағы Қазақ ұлттық өнер академиясына «Сценография» білім беру бағдарламасы бойынша грантқа түсу мүмкіндігін ұсыну.
Бұл мүмкіндікке ҰБТ-дан өту баллымен байқаудың келесі номинацияларында лауреат атанған және шығармашылық емтихан тапсырмайтын жеңімпаздар үміткер бола алады:
- Мультимедиялық сценография
- Театр, кино және теледидардың гримі
- Кино және теледидардың қоюшы-суретшісі.
Байқау келесі бағдарламалар бойынша өтеді:
- «Мультимедиялық сценография» – театрдағы сахна дизайнын және қойылымның визуализациясын жасау, театрға арналған цифрлық декорациялар жасау, Олимпиада, ЭКСПО көрмелері сияқты ауқымды іс-шаралар, стадиондардағы концерттер, теледидар көрмелері үшін дизайн әзірлеу.
- «Кино және теледидардың қоюшы-суретшісі» – кино, телевизиялық қойылымдар үшін драматургияның визуализациясын жасау. Бұл бағдарламаның кең ауқымды
мүмкіндіктері болашақ түлектерге толықметражды фильмдер, кино, жарнама жобаларында жұмыс істеуге зор мүмкіндік береді.
- «Театр, кино және теледидардың гримі» – болашақ түлектерге киноиндустрия
жобаларында, театр қызметінде, жарнамалық кампаниялар мен сұлулық индустриясында жұмыс істеу мүмкіндіктерін береді.
«Дарынды сценограф» байқауының қатысу шарттары мен ережелері сайтта жарияланады , сауалнама мен өтініш қоса ілінеді.
Байқаудың ұйымдастырушысы – Темірбек Жүргенов атындағы Қазақ ұлттық өнер академиясы, «Театр өнері» факультеті, «Сценография» кафедрасы.
Жаңалықтарды ресми сайттан kaznai.kz немесе инстаграмдағы @oner_akademiasy, @_kaznai.scenography парақшаларынан бақылауға болады.