Музыкалық өнер факультеті

Темірбек Жүргенов атындағы Қазақ Ұлттық Өнер академиясының  ең жас факультеті болып 2008 жылы «Музыка өнері» факультеті құрылды. Факультеттің құрылуына заманауи талаптар,  сұраныстар ұйытқы болды. Өнерде және шоу-бизнесте нарықтық қатынастардың дамуына байланысты, қазіргі заман талаптарына сай жаңа мамандықтар ашылып кеңейтіліп жатыр. Қазіргі таңдағы жоғарғы оқу орны – тек оқу әдістемелік, ғылыми-зерттеу, ағарту орталығы  ғана емес,  қыруар  потенциалды концерттік  ұйым болып табылады. Факультет студенттері, оқытушылары, концерттік ұйымдары қалааралық, Академия қабырғасында өтетін іс-шараларға ,  кеш-концерттерге белсенді қатысады. Дәл осы іс-шаралар арқылы өнер Академиясының келбеті қалыптасып, оқу орнымыздың даңқы асқақтай түседі.