6B02118 – «Музейтану» білім беру бағдарламасы

6B02118 – «Музейтану» білім беру бағдарламасы – музей ісі мен мәдени мұраны сақтау саласында кәсіби қызмет атқара алатын, музей қорларымен жұмыс істеу, экспозиция және көрме ұйымдастыру, ғылыми-зерттеу, мәдени-ағартушылық және басқару бағыттарын меңгерген жоғары білікті, бәсекеге қабілетті мамандар даярлауға бағытталған. Бағдарлама қазіргі музей ісінің даму үрдістерін, музей технологияларының жаңаруын, цифрландыру үдерістерін, жасанды интеллект технологияларын енгізуді және халықаралық кәсіби талаптарды ескере отырып қалыптастырылған.

Бағдарламаның миссиясы – ұлттық және әлемдік мәдени мұраны сақтау мен дамытуды қамтамасыз ететін, музей саласына инновациялық технологияларды енгізе алатын, ғылыми-зерттеу, білім беру, мәдени-ағартушылық және жобалық қызметті жүзеге асыратын, Қазақстан Республикасының заманауи музей кеңістігін қалыптастыруға қабілетті жаңа буын мамандарын даярлау.

Бағдарлама мақсаты

Төрт жылдық бакалавриат білімінен кейін 6B02118 – «Музейтану» білім беру бағдарламасының түлегі бізден не күтеді, яғни біздің түлектеріміз:

Музей ісі мен мәдени мұраны сақтау саласының кәсіби маманы, музей қорларын жинақтау, есепке алу, сақтау, жүйелеу және ғылыми сипаттау жұмыстарын меңгерген музей қызметкері; музей заттарын атрибуциялау, ғылыми зерттеу және талдау жұмыстарын жүргізе алатын зерттеуші; экспозициялар мен көрмелерді әзірлеп, ұйымдастыра алатын куратор; музейдің ғылыми-ағартушылық және мәдени-білім беру жобаларын жүзеге асыра алатын маман болуы керек.

Музейлік және өнертанулық білімді кәсіби деңгейде пайдалана алуы, отандық және әлемдік өнердің тарихы мен даму заңдылықтарын талдап, алынған нәтижелерді ғылыми-зерттеу және музейлік қызметте қолдануы; музей заттары мен мәдени мұра нысандарына ғылыми сипаттама, атрибуция және талдау жасай алуы қажет.

Заманауи музей технологияларын меңгерген маман болуы тиіс. Музей коллекцияларын таныстыру, экспозициялық-көрмелік және кураторлық жобаларды әзірлеу барысында цифрлық технологиялар мен ақпараттық жүйелерді, соның ішінде заманауи цифрлық құралдар мен жасанды интеллект мүмкіндіктерін кәсіби мақсатта қолдана алуы керек.

Мәдени-ағартушылық қызметті ұйымдастыра алатын кәсіби маман болуы, музей келушілерімен, өнер және мәдениет саласының мамандарымен, шығармашылық орта өкілдерімен кәсіби қарым-қатынас орнатып, музейдің ғылыми-ағартушылық жобаларын, экскурсиялық және мәдени-білім беру іс-шараларын сапалы жүзеге асыра алуы қажет.

Ғылыми-зерттеу және жобалық жұмыс дағдыларын меңгерген маман болуы тиіс. Ғылыми дереккөздермен, архив материалдарымен, музей қорларымен жұмыс істей отырып, ғылыми құжаттамаларды, музей жобаларын, есептерді және кәсіби іс-шараларды дайындауға қатыса алуы керек.

Үнемі кәсіби дамуға қабілетті, еңбек нарығының заманауи талаптарына бейімделген маман болуы қажет. Ол музей ісінің теориялық және практикалық негіздерін ұштастырып, ұлттық және әлемдік мәдени мұраны сақтау мен насихаттауға, музей кеңістігін жаңғыртуға және кәсіби қызметке инновациялық тәсілдерді енгізуге қабілетті болуы керек.

Бағдарлама міндеттері

6B02118 – «Музейтану» білім беру бағдарламасының негізгі міндеттері:

• — Білу және түсіну – музейтанудың теориялық және әдіснамалық негіздерін, музей ісінің тарихын, музей қорларын қалыптастыру, есепке алу, сақтау және пайдалану қағидаларын, отандық және әлемдік өнер тарихын меңгеру;
• — Зерттеу – музейлік заттар мен коллекцияларға ғылыми зерттеу, атрибуция, сипаттау, жүйелеу және талдау жұмыстарын жүргізу, ғылыми дереккөздер мен архив материалдарын кәсіби қызметте пайдалану;
• — Сақтау – музей заттары мен коллекцияларының сақталуын қамтамасыз ету, консервация және реставрация негіздерін білу, музей қорларымен жұмыс істеудің кәсіби талаптарын сақтау; бағдарламада музей заттарын сақтау және қалпына келтіруге бағытталған пәндер де қарастырылған.
• — Ұйымдастыру – музей экспозицияларын, көрмелерді және кураторлық жобаларды әзірлеу, ұйымдастыру және жүзеге асыру; заманауи музей технологияларын экспозициялық-көрмелік қызметте тиімді қолдану;
• — Цифрландыру – музей қызметінде заманауи цифрлық технологиялар мен ақпараттық жүйелерді, жасанды интеллект құралдарын пайдалану және музей коллекцияларын көпшілікке заманауи форматта таныстыру;
• — Коммуникация – музей келушілерімен, мамандармен және мәдени-шығармашылық орта өкілдерімен кәсіби қарым-қатынас орнату, музейдің ғылыми-ағартушылық қызметін ұйымдастыру;
• — Жобалау – музейлік, мәдени-ағартушылық, ғылыми және көрмелік жобаларды әзірлеу және іске асыру, кәсіби іс-шараларды ұйымдастыру;
• — Кәсіби әрекеттестік – музейлермен, ғылыми-зерттеу ұйымдарымен, мәдениет мекемелерімен және шығармашылық ортамен кәсіби байланыс орнатып, музей саласындағы ғылыми, қорлық және экспозициялық-көрмелік қызметке қатысу;
• — Кәсіби этика және жауапкершілік – музей қызметінің кәсіби этикасын сақтау, инклюзивтілік, тұрақты даму, әлеуметтік және экологиялық жауапкершілік қағидаларын кәсіби қызметте ұстану.

Бағдарламаның басты ерекшелігі

Жаңа бағдарлама музейтанушыны тек музей қорын сақтайтын маман ретінде емес, сонымен қатар зерттеуші, куратор, экспозиция және көрме ұйымдастырушысы, мәдени-ағартушылық жобалардың маманы, цифрлық технологияларды меңгерген заманауи музей қызметкері ретінде қалыптастыруға бағытталған. Бағдарламаның практикалық бағыты музейлік жобаларды әзірлеу, көрмелер ұйымдастыру, музей қорларын толықтыру және есепке алу, жәдігерлерді ғылыми сипаттау, цифрлық технологияларды пайдалану және мәдени-білім беру жобаларын іске асыру құзыреттерін қалыптастырумен айқындалады.