Бүгін Темірбек Темірбек Жүргенов атындағы Қазақ ұлттық өнер академиясында жаңа 2025-2026 оқу жылындағы алғашқы Ғылыми кеңес өтті. Ғылыми Кеңес отырысында Академия ректоры Арман Жүдебаев бірқатар кадрлық тағайындаулар мен өзгерістерді атап, факультет декандары мен бөлім басшыларының жаңа құрамын таныстырды. Ғылыми кеңес мүшелері және барша ұжым атынан жаңа қызметке кіріскен әріптестерімізге сәттілік тілейміз.

Сонымен қатар жиын барысында Оқу және Оқу-әдістемелік жұмыс жөніндегі проректор Шыңғыс Ергөбек пен Ғылыми жұмыс жөніндегі проректор Қабыл Халықов өз баяндамаларын жасады. Күн тәртібінде 1-курс студенттері, магистранттар мен докторанттардың жеке жұмыс жоспарларын, сондай-ақ жаңа оқу жылына арналған оқу жұмыс жоспарын бекіту және өзге де маңызды мәселелер қаралды.