2026 жылдың 12 қарашасы күні сағат 11:00де Академияда Уорвик университетінің Профессоры Милия Глухович (Ұлыбритания) ОПҚ, докторантары және магистранттарымен кездесу өткізеді. Кездесуде Халықаралық театр зерттеушілер федерациясы аясында (IFTR) «Жазғы мектеп» бағдарламасы талданады. «Жазғы мектеп»  тақырыбы: «Жібек жолдары бойындағы (Үндістан, Қазақстан және Орталық Азия, Еуропа) өзара байланысты тарихтарды сахналау және кураторлық ету — империялар, көші-қондар және мәдениетаралық диалогтар» деп аталады.

Бұл бағдарлама Алматыдағы Темірбек Жүргенов атындағы Қазақ ұлттық өнер академиясы, Делидегі Джавахарлал Неру университеті, Уорвик университеті, Белград өнер университеті және Түркиядағы Анадолу университеті арасындағы ынтымақтастық аясында жүзеге асады. Ұйымдастырушылар: Милия Глухович (Уорвик), Қабыл Халықов (ҚазҰӨА), Бишнуприя Датт (Джавахарлал Неру университеті); сондай-ақ «Целинный» заманауи мәдениет орталығы, Ә. Қастеев атындағы мұражай, Алматы өнер мұражайы және Алматы театрлары қатысады деп күтілуде.

Бағдарлама қатысушы ұйымдар арасындағы төрт жылдық зерттеу жұмыстары мен қарым-қатынастарға негізделген. Ол сондай-ақ «Жібек жолдары» (Silk Roads) тақырыбындағы EUTOPIA Connected Community зерттеу желісі (https://warwick.ac.uk/global/europe/eutopia/clcs/silk_roads/) аясында жинақталған тәжірибеге және 2022 және 2024 жылдары Венецияда өткен екі докторлық жазғы мектептің нәтижелеріне сүйенеді. Сонымен қатар, бағдарлама қабылдаушы тараптармен 2029 жылы Алматыдағы Қазақ ұлттық өнер академиясында өтуі туралы IFTR (Халықаралық театр зерттеулері федерациясы) конференциясының тұжырымдамасы мен ұйымдастыру мәселелерін талқылауды көздейді.