Темірбек Жүргенов атындағы Қазақ ұлттық өнер академиясында жылдағы дәстүрге сай профессор-оқытушылар мен қызметкерлер арасындағы Спартакиада басталды. Бүгін «Денсаулық – 2026» Спартакиадасының ашылу салтанаты өтті.

Спартакиаданың бірден-бір мақсаты – салауатты өмір салтын насихаттау, спортпен жүйелі түрде айналысуға тарту. Спартакиадаға Академия факультеттері, әкімшілік және Темірбек Жүргенов атындағы Қазақ ұлттық академиясының колледжі командалары қатысып жатыр. Олар волейбол, үстел теннисі, шахмат сияқты спорт түрлерінен өзара сайысқа түседі. Спорттық іс-шараның бас төрешісі – Сахна пластикасы және дене тәрбиесі кафедрасының дене тәрбиесі бөлімінің меңгерушісі, профессор Светлана Михайлова.

Тартысқа толы бәсеке бүгін волейболдан бастау алды. Сайыс қорытындысы бойынша:

I орын және кубок иегері – Темірбек Жүргенов атындағы Қазақ ұлттық өнер академиясының колледжі;

II орын – Кескіндеме, мүсін және дизайн факультеті;

III орын – Академия әкімшілігі және басқармасы.

Сонымен қатар ерекше көзге түскен үздік ойыншылар – Бергалиев Амантай, Алипбаева Бақыт, Стаханов Қайрат, Ибраева Гульфайрус, Сарсенбаев Мақсат, Манаспекова Айдана арнайы марапаттарға ие болды.

Ертең, яғни 16 қаңтар күні сағат таңғы 10:00-де үстел теннисі және сағат 12:00-де шахматтан жеке біріншілік болады. Барша қатысушыларға сәттілік тілейміз.