Темірбек Жүргенов атындағы Қазақ ұлттық өнер академиясының А. Тоқпанов атындағы оқу залында студенттерге арналған «Туберкулез бен тұмаудың алдын алу» тақырыбында ақпараттық дәріс өтті. Дәріске Академияның Медициналық қолдау бөлімінің терапевт дәрігері Жаннұр Амангелдиева, Психологиялық қолдау бөлімінің басшысы Эльмира Даньярова, сонымен қатар арнайы шақырылған эпидемиолог дәрігер Перизат Өмірәлі, фтизиатр дәрігер Светлана Ибрагимова қатысты.

Іс-шара барысында мамандар туберкулез бен тұмаудың таралу жолдары, негізгі белгілері, қауіп факторлары, алдын алу шаралары және ауруды ерте анықтаудың маңызы туралы ақпарат берді.

Іс-шараның мақсаты – студенттердің туберкулез және тұмау аурулары туралы ақпараттық сауатын арттыру, профилактикалық шаралардың маңызын түсіндіру және әр студенттің өз денсаулығына жауапкершілікпен қарау мәдениетін қалыптастыру болды.