Темірбек Жүргенов атындағы Қазақ ұлттық өнер академиясының «Көркемсурет» кафедрасының оқытушылары Құралай Умбетова мен Серік Тайнов «Халқым деген Қапез…» атты кәсіби суретшілердің республикалық байқауына қатысты.

Қазақ мәдениетінің көрнекті өкілі Қапез Байғабылұлының туғанына 130 жыл толуына арналған байқау қорытындысы бойынша қос оқытушы ақшалай сыйлықтармен марапатталып, алғыс хаттарға ие болды.

Байқауды ұйымдастырушылардың бірі — «Бейнелеу өнері» кафедрасының доценті Тоққожа Қожагұлов. Ал байқау комиссиясының құрамында профессор Жұмақын Қайрамбаев болды.

Шығармашылық жоба ұлттық тарихи жадыны сақтау мен жаңғыртуға, Қапез Байғабылұлының рухани және мәдени мұрасын кеңінен насихаттауға бағытталды. Қатысушылар тарихи тұлғаның өмірі мен шығармашылығын бейнелеу өнері арқылы танытып, оның ұлттық мәдениеттегі орнын көркем туындыларына арқау етті.

Академия оқытушыларын марапаттарымен құттықтап, шығармашылық табыс пен жаңа жетістіктер тілейміз!