Темірбек Жүргенов атындағы Қазақ ұлттық өнер академиясының ұжымы Мемлекет басшысының Қазақстан халқына Жолдауын бірге тамашалады.

Жолдауда айтылған басымдықтар мен міндеттер еліміздің алдағы дамуына бағдар беріп, қоғамның әр саласына ортақ жауапкершілік жүктейді. Осы ретте білім мен өнер саласының өкілдері үшін жас ұрпаққа сапалы білім беру, ұлттық құндылықтарды дәріптеу және шығармашыл жастардың әлеуетін ашу маңызды.

Академияның білім беру және шығармашылық қызметі кәсіби мамандар даярлаумен қатар, елдің мәдени дамуына үлес қосатын, қоғамдық жауапкершілігі жоғары тұлғаларды тәрбиелеуге бағытталған. Жолдауда көтерілген міндеттер осы бағыттағы жұмыстың маңызын айқындай түседі.