Темірбек Жүргенов атындағы Қазақ ұлттық өнер академиясының «Қазақстан тарихы және әлеуметтік ғылымдар» кафедрасында 2026 жылғы 27 қазан мен 2 қараша аралығында тілдік пәндер секциясының оқытушылары «Ұлы даланың ұлы есімдері» тақырыбында дәстүрлі Тілдер апталығын өткізеді.
Тілдер апталығының мақсаты студент жастарды отансүйгіштікке баулу, белсенді азаматтық ұстанымын қалыптастыру, қазақ халқының тіліне, тарихы мен мәдениетіне, көрнекті тұлғаларының өмірі мен шығармашылық мұрасына қызығушылығын арттыру.
Апталық Қазақстанның әдеби, тарихи және мәдени мұрасын қамтып, зияткерлік ойындарды, шығармашылық зертханаларды, поэзиялық сайыстарды, кино өнері туралы пікірталастарды, перформанстар мен жобалық жұмыстарды біріктіреді. Жоспарланған іс-шаралар кафедраның тәрбие жұмысының басым бағыттарына сай келеді және студенттердің шығармашылық қабілетін танытуға мүмкіндік береді.
Іс-шараларға академия факультеттерінің қазақ және орыс бөлімдерінде оқитын бірінші және екінші курс студенттері қатысады.
