Темірбек Жүргенов атындағы Қазақ ұлттық өнер академиясында «Адалдық сағаты» өтті.
Бүгін Темірбек Жүргенов атындағы Қазақ ұлттық өнер академиясының қабырғасында Қазақстан Республикасы Сыбайлас жемқорлыққа қарсы іс-қимыл Агенттігінің Алматы қаласы бойынша департаментінің басшысы Арман Рахимовпен студенттер кездесті. Академиясының студенттеріне арналған «Адалдық сағаты»атты іс-шара сыбайлас жемқорлыққа қарсы күрес саласындағы маңызды мәселелерді талқылауға бірегей мүмкіндік берді.
Кездесу барысында Арман Рахимов қоғамда сыбайлас жемқорлық көріністеріне төзбеушілікті қалыптастыруға және өмірдің түрлі салаларында ашықтықты арттыруға бағытталған ағымдағы сыбайлас жемқорлыққа қарсы бастамалар туралы айтты. Жастардың сыбайлас жемқорлыққа қарсы іс-қимылға белсенді қатысуының маңыздылығына ерекше назар аударылды, өйткені жас ұрпақ «әділ және ашық қоғамды» қалыптастыруда шешуші рөл атқарады.
Арман Рахимов құқық бұзушылық, сыйлықтар алу және тапсыру, сыбайлас жемқорлыққа қарсы тәуекелдерді азайту, қоғамда сыбайлас жемқорлыққа қарсы саясатты насихаттауға бағытталған шараларды қабылдау сияқты ұғымдарды түсіндірді, сондай-ақ агенттік білім беру мекемелерімен қалай жұмыс істейтінін және оқу процесінде адалдық пен әділдікті қамтамасыз ету үшін қандай шаралар қолданылатынын айтты. Арман Рахимов Темірбек Жүргенов атындағы Қазақ ұлттық өнер академиясы сияқты білім беру мекемелері өскелең ұрпақ арасында жоғары моральдық құндылықтарды тәрбиелеуге ықпал ете отырып, сыбайлас жемқорлыққа қарсы күресте маңызды серіктес болып табылатынын атап өтті.
Кездесу нәтижелі және интерактивті түрде өтті, бұл барлық қатысушылардың қызығушылығын тудырды. Іс-шара қорытындысы бойынша қатысушылар Агенттікпен ынтымақтастықты жалғастыруға және сыбайлас жемқорлыққа қарсы мәдениетті қалыптастыруға бағытталған одан әрі бірлескен жобаларға үміт білдірді
