Л.Н. Гумилев атындағы Еуразия ұлттық университетінде «Жоғары білім және ғылым саласындағы сыбайлас жемқорлыққа қарсы комплаенс» тақырыбында республикалық дөңгелек үстел өтті.
Іс-шараға Темірбек Жүргенов атындағы Қазақ ұлттық өнер академиясының сыбайлас жемқорлыққа қарсы іс-қимыл жөніндегі бас әкімшісі Қанатов Саламат Есенбекұлы қатысты.
Жиынға Қазақстан Республикасы Ғылым және жоғары білім министрлігінің, Мемлекеттік қызмет істері агенттігінің Астана қаласы бойынша департаментінің өкілдері, сондай-ақ еліміздің жоғары оқу орындарының комплаенс-қызмет басшылары жиналды.
Дөңгелек үстел барысында жоғары білім және ғылым саласындағы сыбайлас жемқорлық тәуекелдерінің алдын алу, академиялық адалдық қағидаттарын нығайту және университеттердегі комплаенс жүйесін жетілдіру мәселелері талқыланды. Қатысушылар аталған бағыттар бойынша тәжірибе алмасып, өзара пікір бөлісті.
Іс-шара жоғары оқу орындары арасындағы кәсіби байланысты нығайтуға және сыбайлас жемқорлыққа қарсы іс-қимыл саласындағы ортақ тәсілдерді талқылауға мүмкіндік берді.
