Темірбек Жүргенов атындағы Қазақ ұлттық өнер академиясы, Сахна тілі кафедрасының доценті, Қазақстанның еңбек сіңірген қайраткері Бақытжан Әшімәліұлы Әлпейіс халықаралық деңгейде үлкен жетістікке жетіп отыр. Актер «STINKER» көркем фильмінде Садық шалдың бейнесін сәтті сомдап, Канаданың Монреаль қаласында өткен Cheval Noir кинофестивалінде арнайы марапатқа ие болды.

Құрметті Бақытжан Әшімәліұлы, Темірбек Жүргенов атындағы Қазақ ұлттық өнер академиясы ұжымының атынан Сізді марапатыңызбен шын жүректен құттықтаймыз. Бүгінде өнер саласындағы бастамалар мен жобаларды қолдап, насихаттап, жастарға бағыт-бағдар беріп, шетелде еліміздің абыройын асқақтатып жүрсіз. Ел мәдениеті үшін атқарып жүрген еңбегіңіздің әрдайым жемісті болуын тілейміз.