Темірбек Жүргенов атындағы Қазақ ұлттық өнер академиясының Театр өнері факультетінің 1-курс студенттері Беларусь Республикасының астанасы Минск қаласында 2025 жылғы 17-22 қараша күндері Мәскеу үйі, Отандастар үйі және Ресей театр өнері институтының (ГИТИС) қолдауымен өткен «Русский язык через искусство» атты шығармашылық шеберхана жұмысына қатысып қайтты.

Минск қаласындағы Мәскеу үйінде ұйымдастырылған іс-шара 16 елден келген отандастарды біріктірді. Бірнеше күн бойы қатысушылар Ресейдегі жетекші жоғары оқу орындарының бірі – Ресей театр өнері институты (ГИТИС) педагогтерінің жетекшілігімен театр өнерінің теориясы мен тәжірибесін терең меңгерді.

Актерлік шеберлік:
О.А. Невмержицкая – Актерлік өнер факультетінің деканы, Актерлік шеберлік кафедрасының аға оқытушысы;
Т.Д. Белоусов – Актерлік шеберлік кафедрасының аға оқытушысы.

Сахна тілі:
Т.И. Васильева – Сахна тілі кафедрасының аға оқытушысы.

Сахна қозғалысы:
Р.А. Елкибаев – Сахна қозғалысы кафедрасының аға оқытушысы.

Педагогтер өткізген оқу курсы барысында студенттер дикция мен сөйлеу техникасын жетілдіріп, сахналық пластиканы дамытты, актерлік импровизацияның негізгі әдіс-тәсілдерін меңгерді. Сонымен қатар А.Н. Островскийдің «Қасқырлар мен қойлар» пьесасы негізінде Минск сахнасында қойылған Мәскеудің П.Н. Фоменко атындағы театр спектаклін тамашалады.

Іс-шара соңында салтанатты жабылу рәсімі өтіп, барлық қатысушыларға дипломдар табысталды.