Темірбек Жүргенов атындағы Қазақ ұлттық өнер академиясында Түркі әлемі журналистер федерациясының президенті, халықаралық Түркі дүниесі деректі фильмдер фестивалін ұйымдастыру комитетінің төрағасы Мендерес Демир, аудармашы Тұлпар Жәнібекқызы қонақ болды.

⠀       Кездесудің негізгі мақсаты – алдағы уақытта өткізу жоспарланып отырған Түркітілдес симпозиумға дайындық барысын талқылау. Жиналғандар түркі дүниесіне ортақ құндылықтарды сақтау, рухани байланысты нығайту және шығармашылық интеграцияны дамыту жолдарын сөз етті.

⠀       Жоспарланып отырған симпозиум – түркі халықтарының мәдени мұрасын дәріптеуге, өнер мен ақпарат кеңістігіндегі бірлікті арттыруға бағытталған маңызды алаң болмақ.