Темірбек Жүргенов атындағы Қазақ Ұлттық өнер академиясының Оқу театрында ҚазССР-нің еңбек сіңірген артисі, әйгілі опера әншісі, Италияның «La Scala»-да ән шырқаған тұңғыш қазақ – Амангелді Сембиннің 80 жылдық мерейтойына арналған еске алу кеші өтті.

Еске алу кешінде аңыз тұлғаның шырқаған әні мен ұстаздық жолын жоғары деңгейде жалғастырып жүрген әріптестері мен шәкірттері өнер көрсетті. Олардың қатарында Қазақстанның еңбек сіңірген қайраткерлері Сафуан Рысбайұлы, Ерғалым Төкеев, Мәдениет саласының үздігі Мақсұт Жүніс, сондай-ақ Елена Сулейменова, Дияр Нурсултанов, Мақсұт Жүніс, Дүйсембай Ақберен болды.

Сонымен қатар айтулы кеш аясында журналист, жазушы, Қазақстанның еңбек сіңірген қайраткері Қали Сәрсенбайдың ғаламат әнші Амангелді Сембин туралы жазған «Қарғаш» кітабының тұсаукесері өтті. Нәтижесінде бірнеше маңызды іс-шараны тоғыстырған, Амангелді Сембиннің рухына тағзым еткен мағыналы кеш болды.