Темірбек Жүргенов атындағы Қазақ ұлттық өнер академиясы Қазақстанның Халық әртісі, Мемлекеттік сыйлықтың лауреаты, «Құрмет» орденінің иегері, Академиямыздың оқытушысы, аңыз әнші Нұрғали Нүсіпжановты туған күнімен шын жүректен құттықтайды!
1937 жылы Талдықорған облысы, Доланалы ауылында шопан отбасында дүниеге келген Нұрғали ағамыз өнер жолын Құрманғазы атындағы Қазақ ұлттық консерваториясында бастаған. Ол Құрманғазы атындағы оркестрдің, «Қазақконцерт» концерттік бірлестігінің және Қазақ радиосы мен теледидарының көрнекті солисі ретінде халқымыздың жүрегінен орын тапты.
Оның қайталанбас таланты мен шеберлігі қазақ өнерінің айнасы болып, бірнеше буын өнерпаздарға үлгі-өнеге болуда. Ұстаздық жолыңыз арқылы да өнердің биігіне талай шәкіртті жетелеп келесіз.
Академия ұжымы Нұрғали Нүсіпжановқа зор денсаулық, ұзақ ғұмыр, шығармашылық табыстар мен бақыт тілейді!
