Темірбек Жүргенов атындағы Қазақ ұлттық өнер академиясында «Қазақстан – туған елім, ұлы өлкем» шығармашылық көрмесінің ашылуы өтті. Іс-шара 25 қазан – Республика күніне орай Кескіндеме, мүсін және дизайн факультетінің бастамасымен ұйымдастырылды. Тақырыптық көрмеге Алматы қаласындағы Шоқан Уәлиханов атындағы 12 мамандандырылған гимназияның оқушылары арнайы келіп қатысты.

Бүгін ашылуы өткен көрмеде факультеттің профессор-оқытушылар құрамы мен студенттердің ұлттық мерекеге арнайы дайындаған туындылары көпшілік назарына ұсынылды. Сондай-ақ егемендік тарихынан сыр шертетін құнды шығармалар қойылды.

Іс-шараның басты мақсаты – Республика күні мерекесінің тарихи мән-маңызын дәріптеп, өткен тарихқа тағзым етумен қатар, халқымыздың болашаққа деген сенім мен отансүйгіштік сезімін қалыптастыру.