2025 жылғы 30 қыркүйекте Оңтүстік Кореяның Чхонан қаласында өткен Cheonan World Dance Festival 2025 (천안웅타령춤축제 2025) дүниежүзілік би фестивалінде «Astana Ballet» ұжымы өнер көрсетіп, жүлделі ІІ орынға ие болды.

Фестивальге ұсынылған би қойылымдарының сахналық костюмдерін Темірбек Жүргенов атындағы Қазақ ұлттық өнер академиясының Кескіндеме, мүсін және дизайн факультеті, Сән және киім дизайны кафедрасының оқытушысы, суретші-дизайнер Мүсілім Жұмағалиев дайындады.

Аталған марапат Қазақстанның би өнерінің, отандық костюм дизайны мектебінің кәсіби деңгейін тағы бір мәрте асқақтатты.