Темірбек Жүргенов атындағы Қазақ ұлттық өнер академиясының профессоры, Қазақстанның еңбек сіңірген қайраткері Дәлел Зейнешұлы Уәштің мерейлі 60 жасқа толуына байланысты ағымдағы жылдың 24 сәуір күні академияның оқу театрында өтетін «Есіңде бар ма жас күнің!» атты кездесу- концерті өтеді. Концертке Дәлел Зейнешұлының шәкірттері Мұхтар Әуезов атындағы Қазақ ұлттық драма театрының актері, «Жастар сыйлығының лауреаты» Ғалымбек Оспанов; Сүйінбай атындағы Алматы облыстық филармониясының жеке әншісі, Республикалық конкурстың лауреаты Қуаныш Шакиров; Абай атындағы Қазақ мемлекеттік академиялық опера және балет театрның хор артисі Данияр Қожахан; актер- шоумен Жалбаев Ильяс, Тұрсынбай Ерзада, Айнур Бабаева, музыкалық театр артисі білім беру бағдарламаларының 3-4 курс студенттері: Ұлан Қойшыбай, Жарқын Амангелдинов, Нұрқабыл Қапасов, Әділхан Жаңбырбай, драма театры және кино артисі білім беру бағдарламасының 2 курс студенттері: Ерен Сардар, Төлеухан Ержас қатысады.
Концертте жүрекке жылы, көңілге қонымды, эстетикалық мазмұнға толы, аса көркем, сұлу да сымбатты небір інжу- маржан әндер орындалады.
