Бүгін оқу ордамызда Театр өнері факультеті, Сценография кафедрасының Грим мамандығында білім алған студенттер диплом жобаларын қорғап шықты. Қорғау барысында студенттер отандық және әлемдік классикалық драматургияға негізделген сахналық образдар жасап, кәсіби деңгейде орындалған скульптуралық-объёмді грим және постиж өнерінің үздік үлгілерін ұсынды.

Сонымен қатар Актерлік өнер мамандығында оқитын студенттермен бірлесе жұмыс жасап, грим өнерінің театр және кино саласындағы сахналық көріністердің әсерін арттырудағы маңызын түсіндірді. Бұл шығармашылық коллаборация – кәсіби шеберлік пен креативті ойдың тоғысқан үлгісі болды. Әрбір сахналық образ нақты зерттеліп, эстетикалық және техникалық тұрғыда жоғары деңгейде жүзеге асырылды.

Студенттер мен олардың ғылыми жетекшілерін шын жүректен құттықтаймыз!