«Қазақстанның қазіргі заманғы өнері: зерттеу серпіні мен интеллектуалдық инновация» тақырыбына ҒЫЛЫМ АПТАЛЫҒЫ-2024 2024 жылдың 8–12 сәуір аралығында
Темірбек Жүргенов атындағы Қазақ ұлттық өнер академиясында жыл сайынғы Ғылым апталығын өткізу игі дәстүрге айналды. ҒЫЛЫМ АПТАЛЫҒЫ-2024 Президент жанындағы Ұлттық құрылтайдың отырысын ақпараттық сүйемелдеуге және насихаттауға бағытталып, «Қазақстанның қазіргі заманғы өнері: зерттеу серпіні мен интеллектуалдық инновация» тақырыбына арналады.
8 сәуірде сағат 11.00 (Астана уақыты) өтетін Ғылым апталығының ашылу салтанатында Президент жанындағы Ұлттық құрылтайдың отырысын ақпараттық сүйемелдеу мақсатында жасалатын баяндамалар:
1. Құттықтау сөз — Халықов Қ.З., ғылыми жұмыстар жөніндегі проректор;
2. «Ел тұтастығы зиялы қауымның бірлігінен басталады» — Алимжанова А. Ш., филос. ғ. к., «Қазақстан және әлеуметтік ғылымдар» каф. меңг.;
2. «Қазақстан киноиндустрия саласындағы жаңа серпін» — Бакеева М.Қ., PhD, «Кино және ТВ» факультетінің деканы;
3. «Қазақстандағы Art-менеджменттің дамуы мен болашағына аналитикалық шолу» — Мусабаев К. М., э.ғ.к., «Арт-менеджмент және продюсерлеу» каф. доценті.
8 сәуірде 11.30-де (Астана уақыты) Ғылыми-редакциялық бөлімнің (ҒРБ), Жас ғалымдар кеңесі (ЖҒК) мен Студенттердің ғылыми қоғамымен (СҒҚ) бірлесе ұйымдастырған «Қазіргі заманғы ғылыми орта және жастар» тақырыбындағы дөңгелек үстелі өтеді.
2024 жылғы 11 сәуірде сағат 14:00 (Астана уақыты бойынша) Жоғары оқу орнынан кейінгі білім берудің ғылыми-зерттеу орталығы кафедралармен, кітапханамен, өнер ЖОО-мен және шетелдік серіктес ЖОО-мен бірлесе отырып, шығармашылық университеттердің магистранттары арасында «Үздік постерлік баяндама» IV халықаралық онлайн байқауын өткізеді.
Ғылым апталығы-2024 шеңберінде алғаш рет 11 сәуірде сағат 13:00-де (Астана уақыты) Темірбек Жүргенов атындағы Қазақ ұлттық өнер академиясында (Алматы қ., Қазақстан) «Арт-менеджмент және продюсерлеу» кафедрасының ұйымдастыруымен «Өнер-2024» креативтік индустриядағы Халықаралық шығармашылық жобалар мен стартаптар байқауы өткізіледі. Конкурс студенттердің, магистранттардың шығармашылық және кәсіпкерлік белсенділігін дамыту және жастарды шығармашылық жобаларды әзірлеуге және іске асыруға, қатысуға ынталандыру мақсатында өткізіледі.
9 сәуірде сағат 10:00-де (Астана уақыты) «Кино және ТВ «факультетінің 30 жылдығына арналған «Қазіргі аудиовизуалды кеңістіктегі» Кино және ТВ «факультетінің дәстүрлері мен инновациялары» атты Халықаралық ғылыми-практикалық конференция өтеді.
10 сәуір күні сағат 10:00-де (Астана уақыты) Академия кітапханасында «Қазіргі кезеңдегі музыкалық өнер эволюциясындағы дәстүрлер мен инновациялардың өзара әрекеттесуі» Халықаралық ғылыми-практикалық конференциясы өткізіледі.
11 сәуірде сағат 10:00-де (Астана уақыты) Т.Қ. Жүргенов атындағы Қазақ ұлттық өнер академиясында (Алматы қ., Қазақстан) Қ. И. Сәтбаевтың 125 жылдығына арналған «Орта Азия мен Қазақстандағы ғылымның қалыптасуы және даму перспективалары» атты жас ғалымдардың V Халықаралық ғылыми-теориялық конференциясы өтеді.
Конференция жұмысына Академияның профессорлық-оқытушылық құрамы, магистранттар, докторанттар, студенттер шақырылады.