2025 жылдың 27 қараша күні, сағат 17:00-де Темірбек Жүргенов атындағы Қазақ ұлттық өнер академиясының ұйымдастыруымен Құрманғазы атындағы Қазақ ұлттық халық аспаптар оркестрінің концерт залында ұлы Абайдың 180 жылдығына арналған «Ұйықтап жатқан жүректі ән оятар!» атты әдеби-музыкалық кеш өтеді.    

Кеш барысында Академияның профессор-оқытушылар құрамы мен студенттері Абайдың өлеңдері мен қара сөздерін оқып, ақынның әндері мен олардың заманауи интерпретацияларын орындайды. Сонымен қатар Абай шығармашылығының рухани және көркемдік мәні туралы тағылымды ойлар ортаға салынады.

Барша өнерсүйер қауымды концертке шақырамыз!

Мекенжай: Алматы қаласы, Абылай хан даңғылы, 83