Нұрай Айварқызы мен Шахмуратқызы Дильназ – Темірбек Жүргенов атындағы Қазақ ұлттық өнер академиясының дарынды студенттері өздерінің керемет жетістіктерімен бүкіл елді қуантты.
Нұрай Айварқызы, 3-курс студенті, профессор Нағима Есқалиеваның шәкірті. Ол Арменияның Ереван қаласында өткен Халықаралық «Golden Voices» вокалдық конкурсында 3 номинация бойынша жеңімпаз атанды:
Супер Гран-при,
Гран-при,
- 1-орын иеленді.
- Оның орындаған әндері көрермендерді тамсандырды:
- 1. «Жұмақ мекен» (Медет Салықов, Мөлдір Айтпай),
- 2. «I Believe in You and Me» (Sandy Linzer, David Wolfert),
- 3. «Im quyr» (Karen Sevak, Avet Barseghyan).
Шахмуратқызы Дильназ, 4-курс студенті, Әзірбайжанның Баку қаласында өткен Халықаралық байқауда Гран-при иеленді. Бұл байқауда әр елден қатысушылар өз тілдерінде ән айтып, ұлттық мәдениеттерін паш етті. Дильназдың өнері Қазақстанның мәдени мұрасын халықаралық аренада жоғары деңгейде танытты.
Бұл жеңістер біздің академиямыздың студенттерінің шығармашылық шеберлігінің дәлелі ғана емес, сонымен қатар Қазақстанның мәдениет өнерінің әлемдік деңгейде мойындалғанының айқын көрсеткіші.
Жүргенов академиясының ұжымы Нұрай мен Дильназды лайықты жеңістерімен шын жүректен құттықтайды және оларға жаңа шығармашылық табыстар тілейді!
Сертификаттар