2026 жылғы 14 сәуір күні Темірбек Жүргенов атындағы Қазақ ұлттық өнер академиясында ұлттық бейнелеу өнерінің негізін қалаушылардың бірі, Қазақстанның еңбек сіңірген өнер қайраткері, суретші-кескіндемеші Мұхит Ғалымұлы Қалимовтың 95 жылдығына және белгілі суретші-мүсінші, Академия профессоры Марат Өмірсерікұлы Айнековтің 85 жылдығына арналған «Ұлттық мектеп – ұлт мұрасы» атты көрменің ашылуы өтті.
Бұл іс-шара 13-17 сәуір аралығындағы Ғылым апталығы аясында Кескіндеме, мүсін және дизайн факультеті мен Өнертану факультетінің бастамасымен ұйымдастырылды.
Көрме шеңберінде Мұхит Қалимовтың шығармашылығына арналған «Өмір мен ғұмыр: суреткер мұрасы» тақырыбында дөңгелек үстел өтіп, оған өнертанушы Л. Кенжебаева модераторлық етті. Сонымен қатар профессор Марат Айнековтің мерейтойына арналған ғылыми жиын PhD докторы Е. Қайрановтың жетекшілігімен жалғасын тапты.
Аталған ғылыми-шығармашылық іс-шараларға Академияның оқытушылары, студенттері, магистранттары мен докторанттары белсене қатысты.
