Темірбек Жүргенов атындағы Қазақ ұлттық өнер академиясы, Сәндік өнер кафедрасының докторанты Досжанов Бауыржан «6D041700 – Сәндік өнер» білім беру бағдарламасы бойынша «Қазақ монументалды-сәндік гобелен өнері: дәстүрлі және инновациялық даму модельдері» тақырыбындағы докторлық диссертациясын қорғады. Зерттеу жұмысы қазақ гобелен өнерінің қалыптасуы мен даму ерекшеліктерін, ұлттық дәстүр мен заманауи бағыттардың өзара сабақтастығын айқындауға бағытталды. Ғылыми кеңестің шешімімен Досжанов Бауыржанның диссертациялық жұмысы жоғары бағаланып, ғылым мен өнер саласындағы маңызды тақырып ретінде аталды.
Сонымен қатар Сәндік өнер кафедрасының аға оқытушысы Досжанов Бауыржан Қазақстан Республикасының Мәдениет және ақпарат министрлігінің «Мәдениет саласының үздігі» төсбелгісімен марапатталды. Бұл марапат оның өнер мен білім саласындағы жемісті еңбегінің, шығармашылық табандылығы мен кәсіби шеберлігінің айғағы саналады.
Темірбек Жүргенов атындағы Қазақ ұлттық өнер академиясының ұжымы атынан әріптесімізді аталмыш жетістігімен шын жүректен құттықтай отыра, алдағы уақытта жаңа белестер мен толайым табыс тілейміз.
