2025 жылғы 15 қазан күні Темірбек Жүргенов атындағы Қазақ ұлттық өнер академиясында «Ой кеңістігі» атауымен Көркемсурет және Бейнелеу өнерінің тарихы мен теориясы кафедралары бірлесе ұйымдастырған дөңгелек үстел өтті. Іс-шара Қазақстанның еңбек сіңірген қайраткері, ҚР Мәдениет саласының үздігі, профессор Болат Сырлашұлы Тұрғынбайдың 65 жас мерейтойына, шығармашылық және ұстаздық қызметіне арналды.

Дөңгелек үстелге мәдениет және өнер саласының өкілдері, белгілі суретшілер, өнертанушылар, оқытушылар мен студент шәкірттері қатысты. Жиын барысында суретшінің шығармашылық жолы, бейнелеу өнеріндегі орны жайлы өнертанушылар дайындаған баяндама тыңдалды. Сондай-ақ Болат Тұрғынбайдың туындыларынан құралған альбом-каталогының тұсаукесері жасалып, қылқалам шеберінің картиналары көрме аясында көпшілік назарына ұсынылды.

Қазақ бейнелеу өнерінің бүгінгі белесін айқындап жүрген тұлғалардың ішінде Болат Сырлашұлының орны ерекше. Қылқалам шебері тек шығармашылықпен шектелмей, педагогикалық бағытта да үлкен еңбек сіңіріп келеді.