2024 жылдың 17 және 21 маусымында Темірбек Жүргенов атындағы Қазақ ұлттық өнер академиясының докторанттарының ғылыми семинары өткізілді. Мақсаты — ізденушілердің зерттеу нәтижелері мен инновациялық жұмыстары, сондай-ақ ғылыми ізденістер жүргізу тәжірибесі туралы ғылыми ақпарат алмасу.

Модератор ретінде жоғары оқу орнынан кейінгі білім беру ғылыми-зерттеу орталығының басшысы А.А.Кульшанова сөз бастап, жастардың ғылыми ортасының өзектілігін атап өтті.

Семинарға 2 және 3 курс докторанттары мен олардың ғылыми жетекшілері қатысты. Ғылыми баяндамаларының негізінде «8D02184-Кино және ТВ режиссурасы» білім беру бағдарламасының 2 – курс докторанты Э.Б.Пшенаева, «8D02197-Хореография» білім беру бағдарламасының 2 – курс докторанттары А.Т.Исалиев, Б.А.Кукетов, «8D02184-Кино және ТВ режиссурасы» білім беру бағдарламасының 3-курс докторанты Р.А.Альжанов, «8D02195-Өнертану» білім беру бағдарламасының 3-курс докторанттары Х.Мұрат, М.М.Келсінбек зерттеу нәтижелерімен бөлісті.

Семинарға профессор-оқытушылар құрамынан С.К.Каржаубаева, Ш.Н.Уразбаева, А.А.Машурова қатысып, докторанттарға құнды кеңестер берді. Ал жаңадан бастаған зерттеушілер зерттеу жұмысының өзектілігі мен практикалық маңыздылығын атап өтіп, алға қойған мақсаттарына қол жеткізуге ниет білдірді.