«Кескіндеме, мүсін және дизайн» факультеті сіздерді 2026 жылы 14 сәуір, сағат 12.00-де Алматы қаласы, Панфилова көшесі, 127 мекенжайында өтетін
«ӨМІР МЕН ҒҰМЫР: СУРЕТКЕР МҰРАСЫ»
атты дөңгелек үстелге қатысуға шақырады.
Аталған іс-шараТемірбек Жүргенов атындағы Қазақ Ұлттық өнер академиясының профессоры, Қазақстанның еңбек сіңірген өнер қайраткері, белгілі суретші-кескіндемеші
М. Ғ. Калимовтың 95 жылдық мерей тойына арналады.
Мұхит Ғалымұлы Калимов (1931-2002) – Қазақстанның өнер классиктерінің көрнекті өкілі, ұстаз, Қазақстан Республикасының еңбек сіңірген өнер қайраткері, профессор. Ол академиялық бағытта пейзаж, портрет және жанрлық туындылар жасаған, Қазақстанның ұлттық кескіндеме мектебін дамытуға өз үлесін қосқан белгілі кескіндемеші. Танымал туындылары «Бабалар», «Абылайхан», «Сырым батыр», «Исатай-Махамбет», «Мұрат ақын», «Құрманғазы», «Қайран шешем», «Ғани Мұратбаев», «Әуезов пен Ш.Айтматов» атты жұмыстарымен танимыз.
Дөңгелек үстелдің мақсаты:
Қазақ бейнелеу өнерінің көрнекі өкілі Мұхит Калимовтың шығармашылық мұрасын өнертанушылық тұрғыдан зерделеу, оның ұлттық көркемсурет мәдениетін дамытуға орны мен маңызын айқындау, сондай-ақ суретшінің өмірі мен шығармашылығын кейінгі буынға насихаттау.
Міндеттері:
- суретшінің көркемдік мұрасын ғылыми және өнертанушылық тұрғыда талқылау;
- шығармаларындағы тақырыптық, стильдік және идеялық ерекшеліктерін саралау;
- замандастары мен шәкірттерінің естеліктері арқылы тұлғалық және ұстаздық қырын ашу.
Ұйымдастырушылар: «Кескіндеме, мүсін және дизайн» факультеті, «Көркемсурет» кафедрасының доценті Сулейменов М.Ш., аға оқытушы Умбетова Қ.Ж., оқытушы Нұрбекова А.М., «Өнертану» факультеті, «Бейнелеу өнерінің тарихы мен теориясы» кафедрасының аға оқытушысы Кенжебаева Л.А.
Байланыс нөмірі:
Тел.: +7 701 313 8908
Тел.: +7 701 564 6006
