2025 жылғы 17 қарашада «Қазақстан киноөнері» білім беру бағдарламасы аясында «SHAKEN» киноклубының бастамасымен «Күміс университетінің» алғашқы сабағы өтті. Іс-шара «SHAKEN» киноклубының мүшелері – Кино және телевизия факультетінің студенттері мен «Күміс университетінің» тыңдаушылары, «Өлмек пе, қалмақ па?» (2014 ж.) фильмінің авторлары арасындағы бірлескен білім беру сессиясы форматында ұйымдастырылды.

Фильмде ДЦП диагнозы бар жас жігіттің «Гамлет» рөлін сомдап, «Өлмек пе, қалмақ па?» деген философиялық сұраққа жауап іздеуі баяндалады. Көрермен бұл драманы өмірдің мәні, адам табиғаты мен тағдыры туралы ой-толғам ретінде қабылдады. Ерекше қажеттіліктері бар актерлердің қатысуы мүмкіндігі шектеулі жандардың өмір сүру ортасы мен мәселелерін шынайы бейнеледі.

Бұл кездесуге «АРДИ» қоғамдық бірлестігінің (мүгедек балалардың ата-аналар қауымдастығы) өкілдері арнайы шақырылды. Олардың қатарында:

Ахтанова А.– «АРДИ» төрайымы;
Абенова А. – «АРДИ» ART шығармашылық орталығының жетекшісі;
Веритас А. – «АРДИ»-дің актерлік шеберлік пәнінің оқытушысы;
Токабаева В. – «АРДИ» төрайымының көмекшісі;
Кастеев С. – еңбек терапиясының нұсқаушысы, «АРДИ» дизайнері;
Умаров Т. – фильмнің басты рөлін сомдаушы;
Мамырбеков М. – фильм режиссері;
Баженова Н. – фильм режиссері А. Заировтың жары.

Бірлескен форматта өткен сабақ барлық қатысушылар үшін пайдалы тәжірибе болды.