2025 жылғы 30 маусымы мен 10 шілде аралығында Қырғыз Республикасының Шолпан-Ата қаласында Ресей театр өнері институтының (ГИТИС) жазғы мектебі өтті. Жазғы мектепке Қазақстан, Тәжікстан, Қырғызстан және Ресейден арнайы шақырылған студенттер қатысты. Қазақстан атынан барған Темірбек Жүргенов атындағы Қазақ ұлттық өнер академиясының Театр өнері факультетінің талантты, белсенді студенттері білімін жетілдіріп қайтты.

Жазғы мектеп бағдарламасы аясында халықаралық деңгейдегі шығармашылық кездесулер, кәсіби дәрістер мен тәжірибелік сабақтар ұйымдастырылды. ГИТИС-тің жетекші мамандары Васильева Татьяна, Закиров Айдар және Дерендяев Иван сахна тілі, сахна қозғалысы және актер шеберлігі пәндерінен шеберлік сағаттарын өткізді.

Он күндік шеберлік сағаттың нәтижесі ретінде 9 шілде күні студенттер Шыңғыс Айтматовтың «Жамила» повесінің желісімен қойылған спектакльді үш тілде (қазақ, қырғыз, орыс) сахналады.