Темірбек Жүргенов атындағы Қазақ ұлттық өнер академиясы, Театр өнері факультеті, Қазақстанның еңбек сіңірген әртісі, «Құрмет» орденінің иегері, режиссер Мұрат Ахманов шеберханасының бітіруші 4-курс студенттері дуалды оқыту жүйесі аясында дипломдық спектакльдерін көрсетті.

Шымкент қалалық орыс драма театрының сахнасында Гарсиа Лорканың «Бернарда Альбаның үйі» трагедиясы (қоюшы режиссері Райхан Санкайбаева), Уильям Шекспирдің «Король Лир» (режиссері әрі сценографы Мұрат Ахманов), М.Қасеновтың «Бұл – махаббат» (режиссері Мұрат Ахманов) комедиясы қойылды.

Айта кетейік, Шымкент қаласындағы Жастар театры мен Темірбек Жүргенов атындағы Қазақ ұлттық өнер академиясы арасында дуалды оқыту жүйесі қамтылған. Бұл тығыз байланыс – шығармашылық ынтымақтастықтың, кәсіби біліктіліктің жарқын үлгісі.