2024 жылдың 25 қазанында Темірбек Жүргенов атындағы Қазақ ұлттық өнер академиясында The Planet of ART 2024 фестивалінің жеңімпаздары үшін шеберлік сағатын өткізілді.

Іс-шара ЮНЕСКО-ның Қазақстан Ұлттық клубтар федерациясының белсенді қатысуымен ұйымдастырылды. Шеберлік сағатының басты тақырыбы ЮНЕСКО ның Бүкіләлемдік мұра нысандары туралы білімді тереңдету болды, бұл қатысушыларға мәдени және табиғи мұраның сақталуын түсінуге ықпал етті.

Академия ғимаратында өткен шеберлік сағатына 35 елден келген фестиваль жеңімпаздары қатысты. ЮНЕСКО жобасы арқылы дарынды жастар өз таланттарын паш етіп, өнер мен мәдениет саласындағы білікті мамандармен жұмыс істеуге бірегей мүмкіндік алды.