Қазақ ұлттық өнер академиясының Құрметті Профессоры дипломы ТҮРКСОЙ Бас хатшысы Сұлтан Раевқа салтанатты түрде табысталды.
Академияның Ғылыми кеңесінің 2025 жылғы 30 сәуірдегі шешімімен (№11 хаттама) Раев Сұлтан Акимұлына Қырғыз Республикасының мәдениет министрі (2005—2010; 2013—2014), Қырғыз Республикасының Еңбек сіңірген мәдениет қайраткері (2009), Қырғыз Республикасының Халық жазушысы (2011), Тоқтағұл атындағы мемлекеттік сыйлықтың лауреаты (2007), ҚР мемлекеттік қызметінің 2-дәрежелі кеңесшісі, Еуразия Жазушылар одағының мүшесі, ТҮРКСОЙ Бас хатшысы ретінде түркі өнерін дамытуға қосқан зор үлесі және II Халықаралық «Turki duniesi» студенттік фестивалін жан-жақты қолдағаны үшін «Құрметті Профессор» академиялық атағы берілді.
Дипломды Академия ректоры Арман Жүдебаев табыстады.
Қазақ ұлттық өнер академиясының «Құрметті Профессоры» дипломы Қырғыз Республикасының Ұлттық жазушылар одағы мен Театр қайраткерлері одағының мүшесі, драматург Иманалиев Қайрат Олжобайұлына салтанатты түрде табысталды.
Академияның Ғылыми кеңесінің 2025 жылғы 30 сәуірдегі шешімімен (№11 хаттама) Иманалиев Қайрат Олжобайұлына Қырғыз Республикасының мәдениет, ақпарат, спорт және жастар саясаты министрінің экс-бірінші орынбасары ретінде түркі елдерінің жоғары оқу орындары арасындағы театр өнері мен драматургияны дамытуға қосқан ерекше үлесі үшін «Құрметті Профессор» академиялық атағы берілді.
Дипломды Академия ректоры Арман Жүдебаев табыстады.
Қазақ ұлттық өнер академиясының «Құрметті Профессоры» дипломы Әзірбайжан Республикасының «Еңбек сіңірген өнер қайраткері» Мамедова Валида Имран қызына салтанатты түрде табысталды.
Академияның Ғылыми кеңесінің 2025 жылғы 30 сәуірдегі шешімімен (№11 хаттама) Әзірбайжан Республикасының «Еңбек сіңірген өнер қайраткері», жаңадан құрылған Әзірбайжан Өнер академиясының гуманитарлық және әлеуметтік ғылымдар профессоры, оқу ісі жөніндегі проректоры, Әзірбайжан Мемлекеттік Мәдениет және Өнер университеті ректорының білім берудегі инновациялар жөніндегі кеңесшісі Мамедова Валида Имран қызына халықаралық деңгейдегі екі жоғары оқу орны арасындағы білім беруді дамытуға және ынтымақтастықты нығайтуға қосқан елеулі үлесі үшін Академияның «Құрметті Профессоры» академиялық атағы берілді.
Академияның «Құрметті Профессоры» дипломын Академия ректоры Арман Жүдебаев салтанатты түрде табыс етті.
