2025 жылғы 10 сәуірде Темірбек Жүргенов атындағы Қазақ ұлттық өнер академиясында
Ілияс Жансүгіров, Бейімбет Майлин және Сәкен Сейфуллиннің 130 жылдық мерейтойларына арналған
«Үш бәйтерек – үш ғұмыр» атты студенттер мен жас ғалымдардың VI халықаралық ғылыми-теориялық конференциясы өтті.
Іс-шараны «Қазақстан тарихы және әлеуметтік ғылымдар» кафедрасы ұйымдастырды.

Конференцияның мақсаты – ұлттық әдебиетке жаңа әдістер мен стильдер енгізіп, жанрлық дамуына қуатты серпін берген, әдебиетімізді мазмұндық және тақырыптық тұрғыдан байытқан көрнекті ақын-жазушылар мен қоғам қайраткерлері Сәкен Сейфуллин, Ілияс Жансүгіров және Бейімбет Майлиннің өмірі мен шығармашылығын үлгі ете отырып, қазақстандық жастардың ғылыми дүниетанымын, ұлттық сана-сезімін және белсенді азаматтық ұстанымын қалыптастыру. Сонымен қатар, гуманитарлық ғылымдар мен өнердің өзекті мәселелері бойынша заманауи ғылыми ақпаратпен және тәжірибемен алмасуға мүмкіндік жасау.

Конференция келесі бағыттар бойынша өткізілді:
1. Қазақ мәдениетіндегі «Үш бәйтерек» мұрасының рөлі
2. Пәнаралық зерттеулер интеграциясы: заманауи ғылымды жаңаша түсіну жолы
3. Мәдениет және өнер: ізденістер мен жаңалықтар

Ғылыми жиынға Қазақстанның түрлі жоғары оқу орындарынан, сондай-ақ Венгрия, Ресей және Өзбекстан елдерінен келген студенттер, магистранттар мен докторанттар қатысты.
Қатысушыларды конференция модераторы, кафедра меңгерушісі Алимжанова Алия Шарабековна құттықтап, үздік баяндамалар авторларына сертификаттар мен I, II, III дәрежелі дипломдар табыстады.