2025 жылғы 26-29 мамыр күндері Темірбек Жүргенов атындағы Қазақ ұлттық өнер академиясының ұйымдастыруымен өткен студенттік конкурс-пленэр өз мәресіне жетті. Байқауға Оңтүстік Корея, көршілес Өзбекстан, Қырғызстан елдері мен Қазақстаннан кескіндеме саласындағы студенттер қатысты. Жас суретшілердің туындысы Академияның фойесінде көрме түрінде көпшілік назарына ұсынылды. Олардың басым бөлігі Алматының сұлу табиғаты мен көрікті жерлерін бейнелеуге бағытталған.

Сонымен қатар Темірбек Жүргенов атындағы Қазақ ұлттық өнер академиясының Кинозалында іс-шараның ресми жабылуы өтті. Ұйымдастырушылар пленэрді қорытындылап, байқауға қатысқан қылқалам шеберлерін марапаттады. Байқау қорытындысына сәйкес, туындыларды арнайы қазылар алқасы сараптап, төмендегідей нәтиже шығарды:

Бас жүлде – Мухачева Валерия, (Темірбек Жүргенов атындағы Қазақ ұлттық өнер академиясы)

І дәрежелі диплом – Ким Су Ён (Оңтүстік Корея Чунгнам ұлттық университеті, Тэджон қаласы)

 ІІ дәрежелі диплом – Маматосман уулу Алижан (Тұрғымбай Садықов атындағы көркемсурет академиясы, Бішкек қаласы)

ІІІ дәрежелі диплом – Наимов Надырбек (Камолиддин Бехзода атындағы Ұлттық көркемсурет және дизайн институты, Ташкент қаласы).

Сондай-ақ комиссия мүшелерінің шешімімен «Ең үздік композициялық шешім», «Ең үздік колористік шешім», «Үздік авторлық стиль», «Үздік графикалық шешім» номинацияларының жүлдегерлері анықталды.