Қазақ ұлттық өнер университетінің Музыка өнері факультетінің студенттері үлкен жетістікке жетті. 2-курс студенттері Мукушева Аяла мен Бакраева Айзада I Халықаралық «NAǴYM» міндетті фортепиано конкурсында «Фортепианолық ансамбль» номинациясы бойынша 1-орын, ал 1-курс студенттері Бекмухамедова Газиза мен Кеңес Әсет 3-орын иеленді.

Бұл байқау қазақтың тұңғыш кәсіби пианисті, композиторы, профессор, ҚазКСР халық әртісі және Құрманғазы атындағы консерваторияның «Міндетті фортепиано» кафедрасының негізін қалаушы Нағым Мендіғалиевтің құрметіне орай ұйымдастырылған.

Бұл жеңіс – жас өнерпаздардың таланты мен еңбегінің айқын дәлелі. Оларды лайықты жеңістерімен шын жүректен құттықтаймыз және шығармашылық табыс тілейміз!