13 қараша күні Темірбек Жүргенов атындағы Қазақ ұлттық өнер академиясының Өнертану факультеті республикалық «Ритм» шығармашыл жастар лабораториясының ұйымдастыруымен «Жасанды интеллект болашақта сценарий мен режиссураны толық алмастыра ала ма?» тақырыбында дебат өтті. Мазмұнды іс-шараға «Тұран» университетінің «Turan Film Academy» жоғарғы мектебінің студенттері мен академия студенттері қатысып, жасанды интеллектінің өнер саласына ықпалы туралы дәлелдерін ұсынды.

Дебатқа төрелік ету міндетін әл-Фараби атындағы Қазақ ұлттық университеті, Журналистика факультетінің «Кино & медиа» білім беру бағдарламасының студенттері атқарды. Олар пікірсайыс талаптарының орындалуын бақылап, әділ бағасын берді. Іс-шара шығармашыл жастар арасындағы кәсіби байланыстарды нығайтып, кино және медиа саласындағы заманауи мәселелерді талқылауға мүмкіндік берді.