Темірбек Жүргенов атындағы Қазақ ұлттық өнер академиясында Қазақстан Республикасы Президентінің кеңесшісі Мәлік Отарбаевтың қатысуымен кездесу өтті. Жиында Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» тақырыбындағы халыққа Жолдауында жүктелген міндеттерді мәдениет саласында жүзеге асыру мәселелерін талқылады. Академия ректоры Арман Жүдебаев төрағалық еткен басқосуға оқу ордасының оқытушылары мен студенттері қатысты. Қазіргі таңда атқарылып жатқан жұмыстар мен цифрлық саланы дамыту бағытындағы жоспарлар туралы сөз қозғалды. Аталған жиын барша жасты әділетті Қазақстан құрудағы іске белсенді қатысуға, Жолдаудағы бастамалардың жүзеге асуына жауапкершілік алуға, өз ұсыныстарын ашық айтып, пікір алмасуға мүмкіндік берді.