Республикалық XXXIV дәстүрлі «Ұлытау үні» фестивалі аясында жыр алыбы Жамбыл Жабаевтың 180 жылдығына арналған жыршылар байқауы өтті.

Ұлттық жыршылық өнерді дәріптеуге бағытталған байқауда Темірбек Жүргенов атындағы Қазақ ұлттық өнер академиясының «Дәстүрлі музыкалық өнер» кафедрасының студенттері өнер көрсетіп, жүлделі орындарға ие болды.

Байқау қорытындысы бойынша Қарақат Әптікәрім ІІІ орынға ие болса, Аңсаған Ділдәбекқызы арнайы жүлдемен марапатталды.

Республикалық деңгейдегі өнер додасында студенттердің жетістікке жетуі – олардың орындаушылық шеберлігі мен шығармашылық ізденісінің нәтижесі. Жас өнерпаздар дәстүрлі жыршылық мектептің көркемдік ерекшеліктерін танытып, ұлттық мұраны заманауи ортада насихаттауға өз үлестерін қосты.