30 желтоқсан күні Темірбек Жүргенов атындағы Қазақ ұлттық өнер академиясында 2025 жылдың қорытынды Ғылыми кеңесі өтті. Онда 2025-2026 оқу жылының І жартыжылдығында атқарылған оқу-әдістемелік және ғылыми жұмыстар бойынша ақпарат тыңдалды, күн тәртібіндегі түрлі мәселелер талқыланды.

Ғылыми кеңес аясында Академияның ғылымын дамытуға атсалысып жүрген ғалымдар – Ғылыми жұмыстар жөніндегі проректор Қабыл Халықов, Диссертациялық кеңес төрайымы, өнертану докторы Сәнгүл Қаржаубаева, Ғылыми кеңес хатшысы, PhD доктор Нартай Бекмолдинов «Ғылым қайраткері» төсбелгісімен марапатталды.

Сонымен қатар Ғылыми кеңесте магистранттардың қорытынды аттестаттау нәтижелері қаралды. Академия тарихында алғаш рет шығармашылық жоғары оқу орындары арасында Қысқы қабылдау бойынша ғылыми-педагогикалық бағытта білім алған 4 магистрант диссертациялық жұмыстарын сәтті қорғады.

1)         «Аудиоөндіріс» білім беру бағдарламасы бойынша Төлеужан Әлішер Ерланұлы;

2)         «Кескіндеме» білім беру бағдарламасы бойынша Сағындық Махаббат Талғатқызы;

3)         «Сценография» білім беру бағдарламасы бойынша Данилова Ирина Валерьевна;

4)         «Кино және ТВ режиссурасы» білім беру бағдарламасы бойынша Тайгұлы Айдана Тайгұлықызы.

Сондай-ақ, 2025 жылы 12 докторант қорғауға шығып, философия докторы (PhD) ғылыми дәрежесін алды.

1.         «Өнертану» білім беру бағдарламасы бойынша Келсінбек Мөлдір Мұхиддинқызы;

2.         «Режиссура» мамандығы бойынша Әкімбек Асқар;

3.         «Өнертану» мамандығы бойынша Баймуханова Снежана Зайнуловна;

4.         «Өнертану» мамандығы бойынша Джумабеков Ержан Фазылович;

5.         «Режиссура» мамандығы бойынша Аухадиев Ильзат Ришатович;

6.         «Хореография» білім беру бағдарламасы бойынша Исалиев Алибек Темиржанович;

7.         «Хореография режиссурасы» білім беру бағдарламасы бойынша Цой Анна Вадимовна;

8.         «Кино және ТВ режиссурасы» білім беру бағдарламасы бойынша Пшенаева Эльмира Болатхановна;

9.         «Өнертану» мамандығы бойынша Елубаева Маржан Амановна;

10.       «Дизайн» мамандығы бойынша Ембергенова Динара Алиевна;

11.       «Өнертану» мамандығы бойынша Карабалаева Балнур Рахымбаевна.

12. «Кино және ТВ режиссурасы» білім беру бағдарламасы бойынша Рамазанова Бану Куандыковна.

Аттестаттау комиссиясының шешіміне сәйкес «Өнертану ғылымдарының магистрі» дәрежесін алған магистранттарға және PhD доктор дәрежесін иеленген докторанттарға Академия ректоры Арман Жүдебаев салтанатты түрде дипломдарын табыстады.