Құрметті студенттер мен әріптестер!
Темірбек Жүргенов атындағы Қазақ ұлттық өнер академиясының «Кино және ТВ» факультеті сіздерді «Казақ көркем киносы тарихындағы лейтмотивті тақырыптардың эволюциясы: жол, үй, балалар» атты монографияның тұсаукесеріне шақырады. Автор – «Кино және ТВ» факультетінің оқытушысы, кинорежиссер және киносценарист, Бағлан Құдайберлиев.
Монография қазақ көркем киносының қалыптасу кезеңінен бастап бүгінгі күнге дейінгі тарихындағы «жол», «үй», «балалар» тақырыптарының эволюциясы мен трансформациясына арналған. Бұл еңбекте аталған ұғымдар лейтмотивті тақырып ретінде талданады. Кітап кино өнерінің студенттеріне, магистранттарға, докторанттарға, оқытушыларға, сала мамандарына және жалпы оқырмандарға арналған.
Іс-шарада құрметті қонақтар ретінде қазақстандық кино мен телевидение қайраткерлері, «Кино және ТВ» факультетінің және академия басшылығы қатысады.
Өтетін орны мен уақыты:
05 ақпан 2025 жыл, сағат 10:00
Қ. Смайылов атындағы кинозал, Темірбек Жүргенов атындағы Қазақ ұлттық өнер академиясы, Алматы қаласы.
Кино өнеріне қызығушылық танытқандардың барлығын тұсаукесерге шақырамыз!
